罗志祥神隐106日蒲头暴瘦10kg
▼
TVB前港姐季军宣布退圈
身材样貌不输同届冠军
▼
郭富城大宅公开 方媛搭埋影棚影个够
郭富城（城城）老婆方媛（Moka）日前趁住生日喺社交网大晒幸福，其实佢之前都不时上载生活照，拍下日常点滴同大家分享，加上近期愈晒愈多，令到豪宅意外曝光！天王屋究竟系点嘅呢？原来全屋色调以白色为主，睇落相当简洁，不过讲到明天王，又点少得名牌“装饰”呀！从两人合照所见，就见到客厅中央摆有一大个名牌行李箱作摆设，奢华而不失品味！另外有个柜就摆满公仔，唔知系咪两个女嘅呢？
豪宅又点会冇私人泳池，Moka可以唔使出街放心留喺屋企同囡囡游水！而天台更建有一个一百多平米嘅私家篮球场，随时打番场友谊波都得！仲有个地方摆满一盆盆花草植物，仲使乜去维园睇？Moka仲好钟意介绍佢嘅打扮，喺一段佢教网民Set头嘅片中，就见到佢身后有个圆形大浴缸，真系劲叹！而为咗可以随时随地同囡囡影靓相，佢搭建埋家庭影棚，又有弹弹床，三母女真系五星级享受呀！
爱妻生日！黄智贤搞大龙凤劲Sweet
现年52岁嘅黄智贤唔只演得仲好煮得，因为疫情而多咗时间喺屋企嘅佢，日日化身“煮”家男人，为画家爱妻Maggie下厨，无论中菜、西餐、泰菜等都难唔倒佢，喂到老婆饱一饱！
除咗有“贤淑”一面，原来佢仲相当浪漫！老婆生日，佢用咗好多粉红色气球布置屋企，又送上一扎蔬菜花，落足心机炮制惊喜，唔讲仲以为佢哋啱啱拍拖呀！两子之母陈凯琳都睇到心心睇，江嘉敏都留言：“咁sweet生日快乐丫”
汤洛雯当细妹公主 汤乐瑶贺自己生日
汤洛雯（靓汤）与妹妹汤乐瑶（Cass）虽然年纪相差10年，但二人姊妹情深，寻日Cass 23岁生日，靓汤呢个廿四孝家姐除咗为寿星女亲自下厨外，仲准备两个生日蛋糕、香槟、气球同礼物，务求令细妹生日喺屋企都能享受公主般待遇。
其后靓汤喺社交网晒出两姊妹合照，见寿星女着上花花露肩连身裙，骚出事业线，十分养眼，而靓汤则身穿白色荷叶袖裙，甜美十足同样吸睛，名副其实最索姊妹花！
林志颖遭岳父逼供：有没有和林心如联系？
林志颖和林心如分手多年，各自有幸福家庭，但仍然保持友好关系，最近他偕母亲及太太陈若仪亮相内地综艺节目，被岳父“留难”问和女儿拍拖后，可有继续跟前度联系？他初时大表为难，曾用眼神向妈妈求救，不过最终坦承：“有！是为了询问可有推荐的化妆团队，因为要帮陈若仪化妆。”
而令观众惊讶是，林志颖和林心如拍过拖，原来林妈妈竟然不知情，还开口问仔仔：“是谁？”岳父即笑住说：“全世界都知道，你真的不知道？”林妈妈才坦言一直以为只是绯闻，因为她多年来没有见过林心如本人，林志颖才说是：“很早了啦，在当兵期间交往的。”至于陈若仪全程表现大方，除知林心如是老公前度，还大赞她：“她人很好。”
焦虑症愈医愈差？马思纯忽然现身精神病院
曾夺金马奖“最佳女主角”的马思纯早前饱受焦虑症困扰，自爆发病时会气喘及行动不便，甚至短暂失明，虽然7月尾时佢首度复工曾公开现身，不过之后又再失踪，点知今次佢竟被媒体拍得现身精神病院！
近日马思纯在星期五（7日）被拍到现身精神病院，加上佢素颜上阵，比起上次首度复工见人时情况令人担心！虽然如此，但佢昨日仍有如常工作，其工作室更晒出新一批佢做直播活动后嘅靓样相，未知是否想一解外界忧虑。
自认似猪八戒咁咸湿！林盛斌获批逢猪必发
林盛斌（Bob）为动漫连续剧《西游》声演“猪八戒”一角，Bob被问到以声音演绎时会不会好考工夫，他笑言﹕“猪八戒钟意女，咸咸哋湿，呢样同我差唔多，佢内心有啲软弱，但录音时其中几集嚟晒料，做一个好劲好劲嘅强人，我系从来未见过咁威武嘅猪八戒。”
Bob坦言在疫情下仍有工开，加上自己又喜欢做配音工作，已很感恩：“早几年有机会认识李居明师父，佢话你一定要做啲嘢同猪有关，你条命嚟，如果有机会做猪嘅嘢你会发，好掂啦，最好拍《西游记》做猪八戒。呢件事成日喺我脑入面，点知萧定一突然打嚟揾我做猪八戒，哗，今年行运啦！”
又话有人生大事！萧亚轩畀网民闹疯疯癫癫
萧亚轩（Elva）早前自爆有人生大事发生，即惊传疑退出娱乐圈，事后佢发文指“不要过度联想”，似暗示并非引退。而呢日佢喺社交网上载最新短片，见佢终于“出关”，仲孖住早前被指压力大到呕血嘅小鲜肉男友黄皓放闪，见佢哋糖黐豆咁揽到实一实，喺海旁边揽边行，十足连体婴咁，认真Sweet到爆，似乎黄皓身体已无大碍。
不过有网友指Elva之前扬言有“人生大事”，如今又若无其事放闪，对此大感不解，更留言：“你这几个月到底在干嘛，一天到晚疯疯癫癫胡言乱语，你想放弃甚么了，赶紧说清楚，想骂了。”Elva即表示请礼貌一点。
陈凯琳派姜醋 龚嘉欣唔做杀手捞摄影师
前港姐陈凯琳（Grace）早前为老公郑嘉颖诞下第二胎囝囝Yannick，呢日佢就向亲朋好友派姜醋，并影靓相放上社交网同大家开心Share。见着上白色薄纱裙嘅Grace，手捧贴上“郑”字嘅姜醋，脸上流露出幸福笑容，而背后环境则系细仔嘅BB床，见BB床贯彻之前Baby Shower嘅主题，照样以小蜜蜂作布置，相当有心思。
Grace发文多谢亲朋好友由佢怀孕以来一直嘅关心，所以特意除姜醋外，更预备咗“郑氏家族”特制嘅小礼物畀大家，以作答谢。另外，佢又公开其中一张姜醋相片嘅拍摄花絮，原来系由好友龚嘉欣亲自操刀揸机拍摄，呢个好姊妹真系唔话得。
爆文| |
热门|
热门跟贴