李日朗被骗7位数血汗钱碧儿富豪男友欠债半亿《逆缘》结局篇收27.3点|163

今日快报

被骗7位数血汗钱　李日朗报警求助

艺人李日朗（Don）早前被友人骗去7位数字积蓄，努力数年的「成果」化为乌有！他日前与一名资深大律师及一名律师现身中区警署，Don见有记者在场时大感愕然，起初直言只想低调处理问题，后来才表示：「嚟录口供，有个识咗十几年嘅女性朋友攞咗我啲钱后『失踪』。据我所知，仲有其他朋友同样损失7位数，最内疚系连累我屋企人都冇咗啲血汗钱，但我啲钱用晒嚟开戏，暂时冇能力畀番佢哋！」
失踪半年冇影

Don坦言有人藉着多年交情，加上彼此合作做生意，深夜致电向他求救：「当时佢话急用要帮人，会过几日即刻转番（钱）畀我，我咪畀（钱）佢囉，点知后来佢冇咗影，至今足足有半年时间嘞，讲紧损失嘅7位数，都仲未包括同佢做生意赚咗嘅钱。据知佢同老公离咗婚，依家连佢前夫都搵佢唔到！（你知道冇咗咁多钱后咩反应？）世界末日囉，几年储番嚟嘅钱冇晒喎，本来谂住今年环境好啲，可以同屋企人去次豪少少嘅嘅旅行，依家提都唔敢再提嘞。（女友呢？）好彩佢唔系用好多钱嘅人，咪一齐捱囉！」
起码想搵番个人
Don当天由晚上7时开始，逗留到翌日凌晨1时许才完成整个录口供过程。事后他补充：「嚟紧可能要再去唔同嘅警署提供相关资料，相信事件冇咁快解决到，过程会好漫长。我亦明白未必追得番啲钱，但起码想警方协助搵番呢个人出嚟，同埋我想佢身边嘅人提高警觉，唔好再畀人呃嘛。」

飞钉吸睛！廿四孝老公陈豪被老婆遥控湿平

向来是圈中「爱妻号」的陈豪，日前山长水远由大埔去到中环，被老婆陈茵媺遥距购物。穿紧身Tee爆肌的陈豪睇完文具又睇背囊，期间还拿着手机不停拍照给老婆过目，但似乎不合老婆要求，任劳任怨的他惟有行多几间，搵到啱老婆心水为止！
前日下午6时许，陈豪一支公到中环一个商场，穿紧身Tee、白色短裤的他，胸前两块「鸡排」相当明显，当行至冷气颇大的地方更突然凸点飞钉，当爆肌陈豪现身时即成为焦点，引来不少男女途人眼望望。期间见到有记者拍照，他即急急戴上黑超扮Cool，之后往附近一间大型书局闲逛。
甫进店内，陈豪极速逛了一个圈，睇完文具再睇背囊及计算机袋等，期间亦拿着手机不停拍下照片，似是传给老婆过目，又见他戴住earphone讲电话，不过似乎不合Aimee心水，之后就急急脚转身离开。问陈豪来买甚么？他说：「谂住买啲文具，但搵唔到，依然要去第二度再睇。」

祖儿签证过期　霍汶希惨惨猪孤身上路

艺人锺欣潼（阿娇）即将在洛杉矶举行结婚派对，其经理人霍汶希（Mani）现香港机场出发当地，原定与容祖儿结伴同行，没料祖儿美国签证过期，令她变孤身上路，Mani苦笑说：「佢真系好论尽，订晒机票，仲系佢帮我换埋机票，佢系早几日先发现，又唔敢话我听，佢后尾话有嘢同我讲叫我冷静啲，吓得我以为咩事。（祖儿劲唔好意思？）佢系嘅，因为今次系好姊妹嘅派对，都惊阿娇嬲，但阿娇冇嬲反安慰佢。（祖儿有冇作最后努力去申请签证？）佢呢两日都有去，但真系搞唔到，我都想祖儿畀到个惊喜我，可惜冇。」
Mani最无奈是祖儿提议早一天到当地，现在她是全场唯一一个到当地的人，连Twins都未到。现祖儿变机留港放假，问到可有即安排工作给她？Mani笑言：「冇喇，咁急，但有工作都要佢做。佢应该享受呢几日假期。」
笑老板似嫁女
至于Mani可有带结婚礼物给阿娇？Mani表示之前已送了一对龙凤鈪，但都会留在香港婚宴先戴。问到可知阿娇心情如何？她谓：「咁佢仲做紧演唱会，反而我同佢讲好惊，因得我一个人搭飞机，有冇人嚟接我，佢话搵人揸牌接我。」
问到阿娇的婚纱可有过目？Mani谓：「冇，因为只系一个Party嚟。」阿娇的未婚夫赖弘国是否已飞当地？Mani笑言只知自己会是第一个到。会否有嫁女心情？Mani说：「系觉得好开心，睇住佢成长，佢开心我就开心。」问到老板杨受成可有有说话要代传？她笑言：「老板话传媒话我送楼喎，咁系咪送楼呀！哗，咁多嘢送？愈嚟愈多嘢喎！所以嫁女嗰个系佢。」

《逆缘》结局篇收27.3点　陈家乐请食饭

由陈家乐及林夏薇等主演的无线剧《逆缘》，结局篇录得27.3点跨平台总收视，成绩不错兼暂跻身本年度剧集收视三甲内，台前幕后可谓饮得杯落！身为男主角的陈家乐开心表示：「拍呢部剧收获好丰富，台前幕后系值得庆功嘅，薇薇（林夏薇）同祥哥（黎耀祥）之前都请咗大家食饭，所以我点都欠大家一餐嘅，不过我想等埋祥哥喺内地返嚟一齐，但又惊有排等，都系问吓监制先。」
幸福嘅烦恼
家乐又感激不少广告客户邀请，希望他保持『爷爷造型』拍广告﹕「不过同时间我要以新造型拍戏嘞，惟有两边平衡，呢啲系幸福嘅烦恼。」林夏薇坦言是台前幕后努力的成果，更寄望原班再度合作。

面部肌肉疑似失调曾华倩：我Chur得好劲

现年52岁嘅曾华倩，近年多咗喺幕前出现，旧年更加盟亚视，并伙拍朱慧珊、朱慧敏及乐瞳主持节目《今晚见》，过往邀请过毛舜筠、韩君婷等做嘉宾，都有唔少捧场客。

不过，今日有周刊报道，指一向以精灵、反应快闻名嘅华倩，喺早前播出一集访问李婉华嘅《今晚见》中，反应迟缓，更不时现疲态，面部肌肉更出现疑似失调同僵硬嘅状态，有观众目击到华倩面戚戚、表现失准，纷纷上网留言表示忧虑，担心华倩健康出问题，有人直指华倩呢啲表现可能系中风先兆。

打俾曾华倩，讲到佢面部肌肉出现疑似失调同僵硬嘅状态，唔少网民担心佢可能系中风先兆，华倩笑住话:「我冇事，已经睇医生check过，嗰日我chur得好劲，自己太攰，加上我有小小感冒，可能食咗啲药加加埋埋所以咁啫，唔使担心。」

其实华倩喺1996年嫁俾林肇基，诞下儿子林浩贤后，就专心相夫教子。离婚后，华倩全力凑仔，同时又要搵钱养家，且极紧张儿子学业，无论系个仔考试定课外活动，华倩能陪就陪。林浩贤亦好生性，系一名出色嘅游泳健将，不单试过打破学界纪录，更系香港队成员之一。

囝囝开始长大，华倩可以逐步放手，近年先至喺幕前出现番多啲时间，不过，要同时兼顾家庭同事业，华倩几乎用尽时间，可能因此唔够休息，影响健康。

富豪男友被揭曾欠债半亿廖碧儿：还原基本步

廖碧儿有拖拍，本来系一件美事，但恋情曝光后，有关亿万富豪男友卢启贤（Calvin Francis Lo）嘅过去，亦越揭越多，包括指Calvin同前妻Emily育有一女；另Calvin认识碧儿前，已经有个泰国龙头电讯公司太子女女友Nina，卷起「三角疑云」。本月13日，Calvin仲同Nina去亚博睇Bruno Mars演唱会——冇碧儿份。

未知是否因为Calvin嘅事令碧儿心烦，故近日佢索性避走香港、返温哥华重过学生生活，并于ig留言﹕「 Time for me to “keep life simple”. Going back to basics for a bit...（是时候到我"过得简单啲"还原基本步）」传媒再三追访，碧儿亦一直未有回覆。

虽然人不在港，但碧儿继续成为封面人物。今日有周刊爆料，指Calvin与前妻Emily离婚官司，合共花近一千七百万港元。

Calvin与前妻育有一女，两人2013年离婚时，Emily向Calvin争取女儿抚养权及赡养费，Calvin即自揭一身债务，金额高达近半亿，其中包括欠母亲约1,850万港元。

报道称，Calvin母亲从事保险业生意，名下资产亿亿声；Calvin追求异性时亦出手阔绰；06年与Emily结婚，Calvin更豪掷八百万于四季摆酒。

不过Calvin与前妻打官司时，却自揭欠债纍纍，又称每月基本薪金不足以支付巨额赡养费，最后法庭判Calvin必须分担女儿嘅生活支出外，还需向前妻支付每月二万五千元。