古巨基开骚子华神捧场王菲私人IG疑曝光傅嘉莉大玩四角恋|163

今日快报

成日晒谢霆锋合照？王菲私人IG疑曝光

天后王菲一向作风低调，唔少人对佢嘅近况都感到好奇。近日，有网友爆料指疑似王菲私人IG账户曝光，当中有1,420个Post，其中一个Post更有疑似王菲敷面膜嘅相，并配上文字：「皮革质感美容保湿打劫面具」，似乎心情好靓！有唔少网友都相信呢个系王菲私人账户，只因王菲好友刘嘉玲都有关注，仲有指呢个账户成日晒出同谢霆锋嘅合照添！

36岁余文乐当爸　太太剖腹诞男婴

36岁男神余文乐当爸了！乐仔太太王棠云昨日喺港岛一间私家医院剖腹产子，据知情人士指乐仔陪老婆一齐抵达医院，之后在医生操刀下诞下男婴。
乐仔于去年12月喺澳洲同王棠云拉埋天窗，一直有指王棠云是奉子成婚，当时估计佢已有3个月身孕，如今B仔提早出世，相信乐仔结婚时，老婆已佗B仔4个多月。而乐嫂之前同好友搞Baby Shower，仲大卖关子唔讲BB性别，如今一击即中系仔，乐仔一定开心到震。
直至傍晚，余文乐上载BB手仔相承认老婆生咗，并留言话：「大家好。我的名字叫Cody Yue 爸爸今天看到你出来的时候真的有种难以形容的开心。感恩你和妈妈都安全没事，谢谢我太太，妈妈真的很伟大！！」只见Cody嘴仔呈心形，并不经意做出代表乐仔的「6」字手势，十分可爱。

生四胎未够喉？杨张新悦拒做绝育手术

名媛杨张新悦结婚十一年，先后诞下三女，去年宣布意外怀孕，第四胎又是女。她笑言就算生仔都冇钱分、冇丁权、冇基金，强调非为追仔佗第四胎。她又称不接受绝育手术，觉得有违大自然定律，会与丈夫做足安全措施，并自嘲年纪大难再生。
杨张新悦坦言从没想过自己会如此「多产」，对于绝育问题，她说：「问题咁尴尬嘅！我哋都好努力做防备措施，但有时就系有意外。暂时未商量，绝育手术可免则免，就算微创都系手术，违背大自然定律，始终接受唔到。不过我都40几岁，应该唔会再有。」腹中BB七月出世，她心情一点也不紧张，一家五口将添新成员，她笑言幻想将来屋企开心指数好高，平日看到女儿们相亲相爱好温馨，从不出现争宠情况。

唔想变黄面婆
身为独女的杨张新悦从照顾女儿学到分享和忍耐：「好似一包薯片三姊妹轮流食，佢哋习惯咗等同分享，我觉得人若太自我、太自私将来就会有问题，呢啲系大家庭嘅好处，但唯一系全屋女好多拗撬，不过闹交系认识自己同对方最有效方法。」她有个良好习惯，就是每晚临瞓前自我检讨，每日为自己做「人生报告」，将做得好和不好的事记录下来。
问到婚后一直工作，是否获老公全力支持？她笑说：「最紧要唔好理佢，如果女人变咗黄面婆，男人都唔锺意，所以嘥气！最紧要做你觉得应该做嘅嘢，我系锺意做嘢，夹硬逼我做全职妈咪，我唔愿意又何必呢！老公系支持，支持意思系唔反对。」她坦言与老公曾经历老夫老妻生活乏味的问题，得出结论是要有健康身体，才可有精神谈恋爱及做称职妈妈。
女人唔补好易老
最近她开始经营网上生意，一来可以在家工作，二来又可分享喜欢的事物：「十年前其实都搞过有机产品实体店，自己好重视健康产品，尤其女人去到四十，唔保养捱唔到几耐，会喺网店介绍一啲健康保养品，好似『便便』问题亦同时系我嘅问题，会同大家分享。另外又会有朋友将二手物品寄卖，卖出嘅款项会全数捐出去做慈善。」

大玩四角恋！傅嘉莉畀3个靓仔围

艺人傅嘉莉（Kelly）早前在横店拍摄《包青天再起风云》，最令Kelly惊喜及感动的是有来自上海的粉丝特意开五小时车来横店探班，有横店粉丝将狗狗戴上兔耳朵，并咬着祝Kelly拍摄顺利的纸牌，甚至连车上也贴有祝福Kelly的纸，非常搞笑及有心思。
而在在拍摄空档，Kelly也当起游客，四处游览，当她见到写着「身体健康」「妈妈辛苦了」「愈来愈漂亮」等字句的祝福饼，她实时拍下照片送给妈咪。
今次是Kelly继剧集《张保仔》后，再到横店拍剧，虽然初到横店她就病倒，不过，Kelly依然十分开心﹕「我好锺意横店，因为我好锺意古装剧，喺影城拍戏好有feel，真系好似返到古代咁。」Kelly预告在剧中会有三位帅哥喜欢自己﹕「觉得受宠若惊，四角恋都系第一次。整个拍摄过程真系好开心，所有对手都好好，喺佢哋身上学到好多嘢，尤其系张国强同胡定欣，同佢一齐演出好快就培养出默契。」

林家栋唔怕拍裸戏：我嘅尺度就系冇尺度

上届香港金像奖影帝林家栋，联同出炉影帝古天乐及演员陈汉娜等出席电影《杀破狼·贪狼》得奖庆功宴，可是家栋却带病到场：「普通感冒，我叫医生开药留手啲，因为我喺澳门拍紧戏，今次演正派警察，等咗3年终于有机会演忠角。」
今次家栋要在澳门逗留接近1个月，戏中他与蔡洁更有激情戏，他打趣说：「我嘅尺度就系冇尺度，之前我都试做过同陈法拉拍戏，背部、侧面赤裸演出，睇剧本啦。（正面全裸？）咁我输人唔输阵，我好正面。」
至于陈汉娜表示早前在日本逗留近1个月：「嚟紧仲会去巴黎睇时装骚，都会留低玩吓。而9月就会伙拍任贤齐同陈小春等拍一套灾难求生片，我扮演一个实习记者。」

星光熠熠！古巨基开骚子华神捧场

古巨基一连五场《WE我们古巨基世界巡回演唱会》香港站特别版今晚在红馆揭幕，在圈中人缘甚佳的基仔，有大批老友来捧场，包括黄子华、汪明荃、薛家燕、方力申、苏施黄跟金燕玲、傅明宪、邝美云、陈敏之、张敬轩、陈志云、周慧敏夫妇等等，星光熠熠。尤其是子华神从后台出场时，全场观众欢呼，非常哄动。
未开场已有歌迷提早到达场外选购纪念品，有环保袋、Cap帽、袜、海报和纪念Tee等，其中价值$280的白色纪念Tee最快已告售罄。