卓林「失踪」吴绮莉报警寻女？张宝儿分手劲狠夏文汐沙滩翻云覆雨玩母子恋|163

今日快报

吴绮莉知卓林行踪：希望个朋友对佢好啲

艺人吴绮莉与女儿吴卓林关系时好时坏，早前卓林更孖30岁网红外籍女友搬出同居，双宿双栖，自力更生过活，不过近日传出卓林已辞工并失踪数月，吴绮莉遂报警求助，有传失踪入口调查组曾联络卓林身边的朋友。
媒体联络到吴绮莉，提到是否与卓林失去联络，令失踪人口调查组介入调查？她说：「唔想讲咁多喇！（卓林依家喺边你知唔知？）知，佢喺朋友屋企住，希望个朋友对佢好啲，最紧要安全囉！（你几耐无见个卓林？）几日前，佢同我讲佢唔喺香港，都系嗰句最紧要佢安全和身体健康。（几日前意思系真系见过卓林本人，定系通电话传短讯联络？）唔想讲咁多喇！（依家心情系咪好忐忑不安？）咁又唔系，我有自己生活，小朋友唔喺身边有好多原因，可以去咗读书，系一个过程嚟嘅，佢独立无问题。（知唔知佢依家喺边度，系做紧嘢定读书？）唔清楚喇！总之佢最紧要安全健康，应该读书嘅，做一个健康嘅人。」

孖女似妈咪咁靓熊黛林：老公开心到不得了

熊黛林（Lynn）2016年同拥有百亿资产嘅郭可颂结婚，去年成功怀孕，噚日就话Lynn已经荣升潮妈行列，剖腹诞下一对孖女，今日佢就透过经理人公司发布一家四口的全家福，一脸幸福，羡煞旁人！

新手妈妈Lynn表示第一眼见到两个囡囡时，又感动又开心，Lynn话：「BB女5磅左右，眼仔好大好靓女，老公开心到不得了。」出名锡老婆的郭可颂，喺Lynn入产房前非常紧张，见到老婆同囡囡平安时终于松一口气。但由于初生BB太娇小，令新手郭爸爸不敢乱抱两位前世情人，最终要靠Lynn出手：「我叫老公坐定定摆住抱B姿势，然后叫我妈咪抱囡囡放在老公怀抱，老公后来抱到不舍得放手。」

郭爸爸有Lynn这个大情人，又新添两位小情人，自然幸福满泻，Lynn更说看到大只老公抱住娇小B女的画面，反差很大非常搞笑。而刚刚生完BB的Lynn精神相当不错，且安心咁话：「妈咪都有飞过来香港陪我待产，我已慢慢开始学习凑小朋友，并喂人奶；因为是对BB最好的嘛，最紧要她们健康。」至于BB现时仍未改名，Lynn和老公会细心为囡囡挑选最适合的名字。

嫌拍剧赚得少！陈家乐有老窦补贴先肯制

凭大台热播剧《逆缘》人气急升的艺人陈家乐，近日上电台宣传，讲到之前一直都是以拍摄电影为主，今次是否经过精心计算接拍电视剧入屋？他表示从来都没有任何计算：「每次都系只做好每个角色，唔谂之后会得到啲咩。」不过他就自爆唯一会计算的可能就是爸爸、妈妈，全靠有他们的支持：「佢哋畀好多信心我去演，开头谂咗好耐究竟演唔演好，唔系因为角色唔好，而系拍嘅时间好长，差唔多4个月，同时又有两部电影要参与，就要取舍，但爸爸就好希望我接拍《逆》，因为佢话『信我啦仔，你拍完之后一定会好多人认识你，条路会顺畅啲！』但我就笑住同佢讲拍剧少好多钱，佢话唔紧要，少咗佢就畀番我。」

试过踎喺街喊！马浚伟身兼多职压力爆煲

艺人马浚伟将于6月底以新演员班底重演舞台剧，近日他现身电台接受访问宣传。马浚伟表示重演舞台剧令他学会凡事除了自己尽力之余，可以好好利用分工合作的态度及精神，懂得将大任务细致分工，之后要有一个信任的态度，交给合适的人选去做：「经过首次同内地巡回演出之后，自己愈来愈开心有自己嘅团队，唔系只系演员，计埋幕后同事，每一位都好尽责同专业。」
主持人问到起初未摸索到如何实行之时，会否感到迷茫？马浚伟坦言首次演出时，每一个岗位由头到尾自己都有份参与，差啲迫到自己去到一个崩溃边缘，压力好大，自爆曾经踎低喺观塘喊：「因为当时排练室喺观塘，有问自己点解咁辛苦？当时脑海经常弹出『攞苦嚟辛』呢4只字，但我唔系一个易放弃嘅人，系一个睇责任睇得好重嘅人，觉得一系唔好开始，一开始就要撑到底，唔好理结果系点，除非有其他因素令我一定要放弃。」他又指创作是一件非常孤独的事：「如果系电视剧本、电影剧本可能都有其他编剧可以帮手，但因为舞台剧系我一个自己写，冇人帮到自己，亦因为咁先可以写到自己想做嘅嘢，都好享受其中。」

旧爱想箍煲！张宝儿分手劲狠：已冇晒感觉

前港姐张宝儿（Bowie）同袁伟豪打得火热，仲不时放闪，但其实Bowie未同袁伟豪拍拖之前，曾经同一个叫Jonathan嘅男仔拍拖多年，但Bowie入行冇耐，佢哋就分咗手，而Bowie亦都未有讲解两人分手原因！

呢日，Bowie录像好姊妹麦明诗主持嘅节目《#后生仔倾吓偈》，罕有地讲番上一段感情嘅死因！呢集以「分手」为主题，虽然佢冇开名讲个男仔系边个，不过就话系入行之后就同呢个男朋友分手，啲时间咁脗合，似乎真系讲紧Jonathan啵！Bowie笑笑口咁讲番当日分手嘅经过，佢话因为入行后工作愈来愈忙，同对方感情生变，她说：「入咗行之后，我个mindset（心态）就系『有嘢忙有嘢忙』，佢就开始Feel到我offline咗。」

Bowie话对方知道大家距离愈来愈远，但就冇轻易咁放弃呢段感情，反而好努力箍煲，她说：「佢开始送花畀我，咁多年都冇送过花畀我，但终于送花畀我喇，又送嘢畀我，又陪我去边。」听到在场人士都哗哗声，但就换来Bowie嘅一句：「我已经冇感觉喇！」唔少网友都话佢前度男友已经补救得太迟，仲话Bowie变起心上嚟认真够狠，但亦有网友力撑佢其实只系理智啫！但讲到尾，如果Bowie唔分手，又点会畀佢遇到袁伟豪呢？

激咀20秒！夏文汐沙滩翻云覆雨玩母子恋

无线剧《逆缘》播出第17集，饰演暖男才俊的艺人黎诺懿与神秘女富豪夏文汐终修成正果，发展母子恋！事缘经过一次船上派对后，二人情投意合，互相记挂住对方。在剧尾一幕，二人到沙滩情深对话，黎诺懿自爆细细个已经睇对方演戏，并视她为女神，肉麻地说：「你系我最爱，同最后一个女人。」之后黎诺懿便乘胜追击，亲吻夏文汐，咀足20秒钟！